MANGAIN BORU

MANGAIN BORU

DOHOT

ULAON MARHATA SINAMOT

MARHATA SINAMOT / MANGAIN BORU

MARGA ……………..TU MARGA ………………………

Hari / Tgl ……………………………………….

DI RUMAH KEL. …………………………….

I.         MAJANGKON HARORONI PARANAK  MARGA PURBA

1.      Raja Parhata ni Paranak Marga ………… : 

Di hamu tulang nami rajai marga ………., ala naeng ro ma hami …………. laho mandapothon hamu, asa marpanungkun ma jolo hami. Hira-hira nungga rade hamu tulang manjanghon hami ?

2.      Raja Parhata ni Parboru ……………….: 

Nungga rade be hami amang boru, asa ro ma hamu mandapothon hami di bagas on

3.      Raja Parhata ni Paranak …………….:

Dung masuk tujabu, asa diatur ma parhundulan ; songon ulaon nasomal

II.      MARSIPANGANON

 

4.      Raja Parhata ni Paranak ……………… :

Dihamu Rajanami …………., hira-hira adong dope sipaimaonta? Asa tamulai ma nian ulaonta

5.      Raja Parhata ni ……………… :

Dihamu Rajani Parboruon nami, hira-hira nunnga lengkap be hami dison Molo tung pe adong nasosahat dope, ba mandapoti ma nasida. Botima

6.      Raja Parhata ni Paranak ………….. :

Mauliate Rajanami.

~   Dihamu boru dohot berenami asa boan hamu  tudu-tudu  sipanganon tu jolo on.

~   Laos jonjong ma paranak dohot sude uduranna jala borhat pasahathon tudu-tudu ni sipanganon   tu adopan ni hasuhuton parboru ……………….

~   Didok parsinabung ma hatana: Dihamu hula-hula nami ………… dohot sude raja nanigokhon muna, dison hupasahat hami  tu hamu tudu-tudu ni sipanganon songon somba ni uhum dohot adat nami na lao pasangaphon hamu hula-hula nami.

~   Songon nandidok ni umpasa dohonon nami; Bagot na marhalto ma ninna tubu di robean, horas ma hamu namanjalo, tung ganda ma di hami namangalehon.

     Tung songoni pe na hupasahat hami Rajanami, las ma rohamu manjalo. Horas jala gabe. (marsijalangan)

7.      Raja Parhata ni Parboru …………………:

Di hamu hula-hula name Harianja dohot sude na niontang nami, nangkinan nunga dipasahat raja ni parboruon nami ………….. tudu-tudu sipangannon tu hami, holan hasahatan na do tuhami alai rap namanjalo dohot naumpuna do hita raja nami.

8.      Hula-hula Marga …………..:

Nauili amang boru. Horas jala gabe.

9.      Raja Parhata ni Parboru ……………….. :

Dihamu raja ni parboruon nami ……….., asa mangarade ma hamu lao ro ma hami pasahat dekke nami tu hamuna.

Borhat ma Parboru ……………. mamboan dengke jala dipasahat tu adopan ni paranak, didokma hatana : Di hamu raja ni pamoruon nami marga ………….., dison hupasahat hami tu hamu dengke simudur-udur, dengke na ganjang, dengke sitio-tio, dengke sahat, asa marudur-udur ro parsaulion di hamu, satioma angka nauli dohot nadengan tujoloan ni arion, jala sai ganjang ma nang umurmuna, laos sahat tu hamu angka nauli nadenggan, las ma rohamuna manjalosa. Botima (marsijalangan)

10.  Raja Parhata ni Paranak …………… :

Dihamu hula-hula nami ………….., ala naung tupa sipanganon di adopanta, ise sian hita sibaen tangiang mangan Rajanami.

11.  Raja Parhata ni Parboru ……………… :

Dihamu raja ni pamoruon nami ……………. , ala hamu do napatupahon sipanganon, asa sian hamu ma nambaen tangiang mangan.

12.  Raja Parhata ni Paranak ……………. : 

Dibahen paranak ma tangiang mangan, jala diuduti boruna mandok huhuasi ni sipanganon.

III.   MAMBAGI JAMBAR

13.  Raja Parhata ni Paranak ………… : 

Dihamu tulang nami Simamora dohot sude hita naliat nalolo, ala marningot hita di partingkian, ninna rohanami asa talanjuthon ulaonta on.

14.  Raja Parhata ni Parboru …………….. :

Mauliate amangboru : Didok rohanami andorang so ta lanjuthon tu acara namangihut, ninna rohanami asa jumolo dibagi tudu tudu-tudu ni sipanganon na peak do di adopanta. Songon nanidok ni si tua-tua, andorang so diseat raut, asa jumulo diseat hata. Di hamu Amang boru nami, antar behado partondingni  tudu-tudu ni sipanganon naung dipasahat munai tu hami.

15.  Raja Parhata ni Paranak…………….. :

Di hamu Rajanami/ Tulang …………., songon naung tangkas hupasahat hami tu hamu , ba surung-surung munai do i Tulang. Manang na beha pambagian parjambaran saguru di hamu  do Rajanami, anggo hami sipanolopi diangka nauli nadenggan. Botima.

16.  Raja Parhata ni Parboru ………………. :

Mauliate Amang boru. Didok hamu nangkinan surung-surung nami tudu-tudu sipanganon nadipasahat muna , alai ala diboto hami angka borumuna dohot beremuna naloja manghobasi tu ulaonta sadarion, didok rohanami tung do bahenon nami jambar tu nasida,   jadi  manang songon dia pambagi  jambar dibahen hami, ba ias ma rohamuna manjalo di hamu raja ni borunami

17.  Raja Parhata ni Paranak Purba :

Horas jala gabe rajanami.

18.  Raja Parhata ni Parboru …………………. :

Antong dihita namardongan tubu, boru dohot bere/ibebere, raja dongan sahuta tarlumobi ma di hami hula-hula nami ………………, tarsongononma konsep nami :

·         Osang tu Tulang ni boru muli / Hula-hula nami ……………….

·         Parsanggulan Parsiamun tu dongan tubu, boru/bere ………… (Parboru)

·         1 Rusuk/ Soit tu dongan sahuta parboru dohot Ale - Ale

·         1 Rusuk tu Tulang nami …………….

·         2  Soit + tanggo2 nabolon tu Dongan tubu ………… (Parboru)

·         Ihur-ihur jambar ni hasuhuton

·         Parsanggulan Siambirang, 2 soit, 2 rusuk + tanggo2 nabolon jambar taripar tu raja ni boru, bere/ibebere, raja dongan sahuta Purba

Raja Parhata ni Parboru …………..:

Boha di rohamu na dongan sahuta tarlumobi di hula-hula nami …………., molo dung satolop hita, asa jambar mangihut ma tabaen.

Dialusi : dongan sahuta, hula-hula ………….., paranak : aek godang tu aek laut, dos niroha sibaen nasaut, satolop ma hami disi.

Raja Parhata ni Parboru ………………. :

Dihamu borunami asa boan hamu ma tudu-tudu sipanganon on, jala bagi hamu sesuai dohot konsep pambagian parjambaran.

IV.   MARHATA ADAT

1.      Raja Parhata ni Parboru …………………

Dihamu raja ni parboruon nami, hira2 nungga boi ta lanjuthon?

2.      Raja Parhata ni Paranak ………………….. :

Didok rohanami nungga boi be rajanami.

3.      Raja Parhata ni Parboru …………………….. :

Dihita namardongan tubu, boru dohot bere/ibebere, dongan sahuta nami, raja nanigokhon, tarlumobi mai raja ni hula-hula / tulang nami …………, , Ala naeng mulaionta ma pangkataion, asa denggan hita masitangi-tangian, jala marsisagi-sagian.

Didok rohanami, ala adong do dison raja ni dongan sahuta, asa rap manungkun hita tu raja ni parboruonta …………... Mardos ni roha ma hita ise ma sian hita raja panise/panungkun.

Dongan Sahuta, didok rohanami si sada hata ma hita, langsung ma hamuna Raja Panise/Panungkun sian hita,Botima.

Raja Parhata Parboru : Horas jala gabe.

4.      Raja Parhata ni Parboru ………………..:

Dihamu Raja ni Pamoruon nami rajai ……….; Ia naung hundul hita diatas ni amak tiar di tonga-tonga ni jabu namarampang namarjual on sigomgom pangisina, sai tiar ma pahorason panggabean i dihita tu angka ari nanaeng ro. Ia nunnga simpul hita mangan indahan nalas hinabosurhon, marlompan na tabo hinasagathon, huhut minum aek sitio-tio, sai tioma angka passamotan tumpahon ni Amanta Pardenggan basai.

Ia namanungkun ma hami nuaeng raja ni boru taringot tu sintuhu ni indahan masak dohot lompan natabo, dia ma nanidokna, dipaboa raja ni boru i ma

5.      Raja Parhata ni Paranak …………. :

Horas ma jala gabe rajanami, songon nanidokmunai ma tutu. Sai tu tiarma parhorason panggabean jala sai tu tiona ma angka pasamotan di hita tu angka ari nanaeng ro.

Songon nanidok ni situa-tua rajanami :

Godang sibutong-butong, otik sipir ni tondi.

·         Tung so sadia pe na hupatupa hami i, sai pamurnas ma i tu daging, saudara tu bohi, sipalomak imbulu mai, sipaneang holi-holi.

·         Hinarat pangkal ni tobu, tonggina songon gula. Ndada namangholit hami rajanami, tung sibahenon do nasoada.

·         Sai songon bagot namarhaltoma nina tubu di robean, Sai horas ma hamu namanganhon suang songoni nang hami namangalehon.

Taringot tu sungkun-sungkun muna rajanami, dohonon nami ma “ Parhorason-panggabean” do nidokna rajanami. Botima

6.      Raja Parhata ni Parboru : 

Horas ma jala gebe raja ni boru i, ia nunnga didok hamu parhorason panggabean do hape nanidokna. Antong mandok mauliate do hami tu Amanta Pardenggan basai, sai songon nanidok ni umpama ma dohonon nami;

·         Bagot namarhaltoma ninna tubu di robean, horas ma tutu hami namanganhon, jala tubu ma singkap ni marlipat ganda di hamu napatupahon

·         Timbo dolok martimbang panatapan tu pangaloan, Sai manumpak ma amanta Debata diginjang, sai ro ma dihamu singkat ni i marlipat ganda angka pasamotan.

Ia marangkup do na hundul, mardongan na mardalan. Namanungkun ma hami di raja ni boru, siangkup ni parhorason panggabean dipaboa raja ni boru i  ma.

7.      Raja Parhata ni Paranak :

I ma tutu rajanami. Tung massai las do rohanami di sungkun-sungkun munai. Ai lam tangkas huboto jala huida hami : Sisuan bulu do hamu, jala sipanjala. Siboto uhum  jala anak ni raja. Siangkup ni parhorason panggabean i dohonon nami ma: Adong umpama ni natua-tua mandok; Denggan ma ninna bulu godang  dengan baen hite-hite; Molo dung anak magodang, denggan mai antong hot ripe.

Jala didok roha nami  molodung naung adong parpadanan ni anak dohot boru,  ninna rohanami asa patupaon ma patua hata manang  marhata hepeng/ sinamot, ido haroro nami tu bagason, alai pangidoan nami jumolo ma ain hamu nanaeng parumaen nami on nagabe borumuna.’Botima rajanami.

8.      Raja Parhata ni Parboru :

Horas jala gabe ma raja ni boru, ai nungnga dipaboa hamu siangkuna songon nahundul sidonganna songon namardalan, Songon nanidok muna i do tohona; Denggan tutu bulu godang dengan bahen hite-hite, Molo dung magodang anak manang boru denggan ma antong hot ripe.

Maulitae ma di Tuhan i, Nungga pitu lilinami paualu jagian nami. Nunga tung nauli nipinami ai adong hamu nanaeng pandurungon nami.

Alai songon pangidoan mu nai, asa jumolo diain hami nalaho parumen muna na gabe boru nami.

Proses Mangain Boru

1)  Parhata Parboru : Manungkun boru nalaho di ain ………………………….

2)  Parhata Parboru : Manungkun natoras kandung ni boru nanaeng di ain

Memang na bersedia jala sian ias ni roha tanpa adong unsure paksaan dari pihak lain

3)  Parhata Parboru : Manungkun kesediaan ni boru nanaeng di ain

4)  Hasuhuton Parboru melaksanakan mangain boru, dohot cara diulosi, dihaol/dipeluk-diumman/dicium. Dilaksanakan dengan secara batin.

-    Sebelumna asa disiaphon boru/bere : Indahan sapiring dohot dengke diginjangna; cuci tangan, aek sitiotio, tisu, boras pir.

Disuap ma boru nai tolu hali, dilehon minum, dibahen boras pir tu simanjujungna.

Didokma tu boru naniain, anak siampudan ma ho boru ima gabe anak nomor 4, jala goar lengkap mu …………… br. ............... Artinya nama lahiriahmu tidak hilang hanya ditambah pam/marga supaya syah kamu bagian dari orang batak. Dengan urutan saudara mu  sbb :

1. ……………………. ,

2. …………………….. ,

3. ………………………

4. ………………………….

Ala adong do opungna dohot bapa udana, asa dohot ma bapa udana dohot opung na mabahen boras pir tu simanjujung ni boru nasorang magodang.

5)  Parhata Parboru : Pasangaphon Hula-hula/Tulang ni boru Raja Harianja atik dia adong sipasahathon na tu berena/ibeberena ima nasorang magodang

6)  Tulang/Hula-hula ………………… :

Dipashat dengke, disulangi,dibahen boras pir, diulosi.

7)  Hata sigabe-gabe parhorasan : Parhata mangatur urutan ni namandok hata, dipangido tu hula-hula/tulang, dongan sahuta. Nang tu dongan tubu dohot boru/bere/ibebere. Urutanna :

a.   Sian Bapa Udana dohot opungna

b.   sian bere/ibebere,

c.   sian boru,

d.   dongan tubu,

e.   dongan sahuta

f.    jala terakhir sian horong ni hula-hula/tulang Harianja.

8)   Andorang so mangampu suhut , asa jumolo dipasahat parsituak natonggi songon sipalas roha ni angka hula-hula, dongan sahuta, dongan tubu, boru,bere/ibebere ........................

Mangampu hasuhuton ..................., Nahuparsangapi hami hula-hula nami Harianja dohot uduranna, dongan sahuta nami, dihamu sude dongan tubu nami, boru, bere/Ibebere ............. diharoro muna tu bagas nami sesuai dohot gokhon dohot jou-jou nami.

Parjolo Sahali ta pasahat ma hamuliateon ni rohanta  tu  Tuhan i ala diari nalehet on diparnagkok ni mataniari on dilehon dihita hahipason jala boi dilaksanahon jala martupa ulaon manjangkon/mangain boru nasorang magodang ima boru nami ……………………….

Pangidoan nami tu hita saluhutna  dihita namardongan tubu, boru,bere,bere/ibebere, dongan sahuta tarlumobi di hula-hula nami Harianja, asa tangianghon hamu hami asa sada hami dohaot bahagia tu joloan nia arion.

Holam hata mauliate do naboi pasahataon nami tu hita sahutna, asa sian Tuhan ta ma jalo hamu balos ni nauli dohot nadenggan naung pinasahat hamu tuhami. Horas ma di hita.

9)   Tangiang panutup sian hula-hula/Tulang Harianja

Acara mangain selesai...............dilanjuhonhon tu acara berikutna

9.      Raja Parhata ni Parboru :

Ipe dihamu raja parboruon  nami Purba asa talanjuthon ma tu namarhata hepeng/sinamot.

Onpe molodung naung adong parpadanan ni anak dohot boru, ba hataon ma antong sinamot songon somba ni uhum dohot adat sipasahaton muna tu hami. Nuaeng pe ala diboto hami :

Pat ni gajah tu pat ni hora, angka anak ni raja do hamu jala angka namora , ba pasahat hamu ma: piga horbo asa pintor nisuru mamboan tu huta on; Piga lombu, asa pintor pinamasuk tu bara ; Piga hoda, asa pintor nisuru manangkup bahen hundulan ni angka amanta raja ; Piga rantiti mas, asa pintor dipasangkotton angka inanta on tu parsibonganna; Sai dia godang ringgit, asa mintor pinamasuk tu rumbi na di pangumbarian . Botima da raja ni boru

10.  Raja Parhata ni Paranak :

Mauliate rajanami, toho do songon nanidok munai : Pat ni gaja tu pat ni hora, Angka anak ni raja be do hita jala angka namora.  Marsomba simanjujung nami , marsomba huhuasi tu tua dohot sahala muna. Tutu do rajanami, ianggo ala sangap muna dohot balga ni partubu muna, napatut do hamu manjalo angka nanigoaranmuna ondeng. Jala tutu do nang nidokmuna taringot tu hamoraon ni Ompunta najolo. Torop hian do tutu angka pinahan, mas dohot ringgit, alai ala krisis moneter, gabe suda do sudena. Alai nang pe songoni , aturanna mai antong rajanami, ingkon bahenon do sipalas roha ni hamu angka hula-hula nami. Jadi rajanami taringot di hatamuna namandok asa dohonon nami sadia godangna songon somba ni uhum dohot adat  sipasahaton nami tu hamu, pangidoan nami asa sitombol ma rajanami ba na manomba hami hira-hira 10 Juta ma sinamot  si pasahahaton nami tu hamu raja nami. Botima rajanami.

11.  Raja Parhata ni Parboru :

Mauliate amang boru,  Di hita namardongan tubu manang namarhaha anggi, hamu dongan sahuta, boru dohot bere nami tarlumobi mai di hamu hula-hula nami, nangkin nungnga rap umbege hita godang ni sinamot sipasahaton ni Parnak tu hita. Beha pandapot muna.

Saonari nilehon kesempatan manghatai tu angka hahadoli na adong dison. Bahen hamu pandapot muna.

Dialusi sahalak sian hahaanggi/dongan tubu.

Dihamu Amang boru nami, tung marhoi-hoi do Haha nami hasuhuton on ima nalaho pasingkolahon  dohot namangalului parkarejoanni boru nami on, didok rohanami asa tung las roha ni Hahanami dohot angkang boru di jabuon, asa baen hamu agak balga sinamotna, pasahat  hamu sinamotna 20 juta. Botima.

12.  Raja Parhata ni Paranak : 

Na uli mai, rajanami. Alai jolo hu andehon ma jolo hata i tu angka hahaanggi, dongan sahuta, boru-bere/ibebere. Parjolo sahali pinasahat ma jolo hata tu hahadoli nami asa alusi hamu hata ni tulangta. Suang songoni nang dongan sahuta, diuduthon ma muse tu boru-bere, sibaen hatana ma tu parboru.

Parjolo sahali pinasahatma tu hita namarhahaanggi, Asa alusi hamu pangidoan ni Tulangta. Dialusi sahalak sian dongan tubu, ditambai ma gabe Rp. 12 juta. Jadi dihamu tulang nami, pangidoan ni anggi nami nangkin 12 juta ma ninna

13.  Raja Parhata ni Parboru :

Na uli mai, amang boru. Alai jolo hu andehon ma anggidoli nami, asa bahen hamu pandapotmuna. Dialusi sahalak sian anggidoli, asa gohi hamu ma gabe Rp. 18 juta. Jadi dihamu amang boru nami  pangidoan ni borui nami nangkin 18 juta ma ninna.

 

14.  Raja Parhata ni Paranak :

Na uli mai, rajanami. Alai jolo hu andehon ma tu boru/bere nami, asa bahen hamu pandapotmuna. Dialusi sahalak sian dongan tubu, ditambai ma gabe Rp. 14 juta. Jadi dihamu tulang nami, pangidoan ni anggi doli nangkin 14 juta ma ninna.

15.  Raja Parhata ni Parboru :

Na uli mai, rajanami. Alai jolo hu andehon ma tu boru/bere/ibebere, asa bahen hamu pandapotmuna. Dialusi sahalak sian boru/bere/ibebere , asa tambai hamu ma jadi Rp. 16 juta. Jadi dihamu tulang nami, pangidoan ni dongan boru/bere/ibebere nangkin 16 juta ma ninna

16.  Raja Parhata ni Paranak :

Na uli mai, rajanami. Alai jolo hu andehon ma raja dongan sahuta nami, asa bahen hamu pandapotmuna. Dialusi sahalak sian dongan sahuta, molo sian dongan sahuta sipanaolopi ma hami di dos ni roha muna

17.  Raja Parhata ni Parboru :

Nauli amangboru, Songon namewakili hasuhuton, naung ditodo au jadi Raja Parhata, marpangidoan au asa molo boi tambai hamu masian i nasatarbahen hamu laho pasangaphon hami hula-hula muna. Botima.

18.  Raja Parhata ni Paranak : 

Nauli Raja nami . Ndada namangholit hami rajanami, ai hancit do tangan mandanggurhon nasoada. Molo didok roha name name na 14 juta I nama naboi pasahaton name songon sinamot sian hami. Botima.

19.  Raja Parhata ni Parboru : 

Dihamu hula-hula nami Harianja, ala panggomgom do hamu  di ulaonta sadarion, Nuaeng pe asa tiroi hamu hami..

Tulang ni boru muli/Hula-hula Harianja : Mauliate ala di andehon hamu hata i tu hami hula-hula muna. Parjolo pasahatan nami hata tu Raja  Parboruon ni boru nami. Tutu do songon nanidok munai, hancit do tangan mandanggurhon nasoada, alai ingot hamu poda ni ompunta sijolojolo tubu : “ Tuat raja martua, marabit tigabolit; anggo tu hula-hula , tung so boi do mangkolit” Nasa naboi ingkon bahenon do laho pasangaphon angka hula-hula. Ima jolo hatanami tu hamu parboruon nami. Jala hudok hatangku tu hamu ndang namangigil asa tambaion muna Sinamot nalaho sipasahaton muna. Botima hata tu hamu Raja Purba.

Tu hamu borunami, tarlumobima di suhut bolon.

Ipe hamu parboruon nami ( diadaophon hula-hula dirina tu adopan ni parboruonna):

Sude angka na pamuli boru sai marsintahon asa dapot songon nanidok ni umpasa : “ Marasar ma aili, ditarui bulung singkoru; sai naeng manian sihar panaili, hinorhon tuhor ni boru. Ido sai godang di jalo tuhor ni boru, alai ndada ala sinamot na godang asa mambaen togu partondongan. Ia sidohononhu tu hamu ito dohot hamu lae, nangkin nunga dipatatedek raja ni parboruonta tu hita parsisiraan nasida jala dipataridahon isi ni andora nasida, ba hamu pe boru nami patuduhon hamu holong ni rohamuna, asa dosma rohamuna muna nangkin raja parboruon muna mangelek 14 juta, jala hamu borunami Simamora mangido 16 juta, jadi 14 + 16 =30 juta /2=15 juta ma sinamot. Halashon hamu ma i si 15 juta raja parboruon ni boru name Purba suang songoni nang hamu boru nami Simamora. Asa dohononn nami songon nunidok ni si tua-tua : Panggu marlatang , amporik malipik; Gabe do partuhor na godang, laos gabe do partuhor naotik Botima.

20.  Raja Parhata Parboru :

Mauiliate di hamu hula-hula name Harianja.

Onpe di hamu raja ni parboruon nami Purba nunga rap umbege hita di paniroion ni Hulahula Harianja, satolop ma hita sinamot 15 juta.

21.  Raja Parhata ni Paranak :

Mauliate ma di hamu Tulang nami Harianja di paniroion muna, las ma ro name dib alga sinamot nanidok munai.

Suang songoni ma nang di hamu hula-hula nami Simamora, satolopma hita di godang ni sinamot 15 juta. Mauliate

22.  Raja Parhata Parboru :

Dihamu suhut nami di  jabuon, nungga rap umbege hita di hata panimpulan sian hula-hulata Harianja suang songoni nang sian hula-hula ta Harianja, dibahen i asa las ma rohamu manjalo sinamot si 15 juta i.

Hasuhuton Parboru: Mauliate, dos ni tahi dohot dos roha si baen nasaut. Tingkos do Songon nanidok ni Hula-hulanta Harianja, Gabe do partuhor nagodang, laos gabe do partuhor naotik. Ias jala las ma rohanami manjalo i. Botima

23.  Raja Parhata ni Parboru : 

Molu dung sepkat hita, pasahat hamuma patujolo ni sinamot (bohi ni sinamot) .

24.  Raja Parhata ni Paranak :

Mauliate rajanami. Nuaeng pe amang raja, pasahatonnami songon patujolo ni sinamot / bohi ni sinamot  godangna 13 juta, jala na 2 juta nai pasahaton nami ma i dimata ni ulaon pesta unjuk. Mangarade ma hamu amang raja, asa hupasahat hami.

25.  Raja Parhata ni Parboru : 

Mauliate di hamu raja ni parboruon nami. Jumolo ma dipasahat tu Raja parhata parboru, jala laos dietong ma jumlahna, molo dung pas dipasahat ma muse tu raja parhata paranak. Borhat suhut paranak pasahathon tu suhut Parboru, laos marsijalangan ma nadua hasuhuton..

Raja Parhata ni Parboru : Dihamu raja ni borunami, nunga dipasahat hamu patujolo ni sinamot jala laos di jalo hasuhuton, sai gabe ma hita jala horas. Botima

Jala dihita sude angka namardongan tubu,boru, bere/ibebere, raja ni dongan sahuta, tarlumobi dihamu hula-hula namai, nunnga tangkas tabereng jala taboto bahwa godang ni sinamot 15juta, patujolona 13 juta, panggohina di hari H 2 juta. Botima.

26.  Raja Parhata ni Parboru :

Dihamu Amangboru nami. Nunnga sae tahatai songon jambar ni suhut, saonari hataanta ma muse parjambaran tu si jalo bara, tulang, pariban, paramaan, simandokhon, dohot sude tahe angka parjambar nagok, didok rohanami jala pangidoan nami, diting ulaon pesta unjuk i asa disima pasahat hamu angka jambar tu si jalo parjambaran na gok. Beha rohamuna pamoruon nami.

27.  Raja Parhata ni Paranak :

Mauliate rajanami, gabe ma hita jala horas. Rade ma hami rajanami.

Nuaeng pe raja nami, sarupa do nangkok dohot tuatna, marpangidoan hami asa dimata ni ulaon i asa dalanmuna  pasahathon pasu-pasu marhite-hite ulos, asa pasahat hamu ma  ulos herbang, godangna 15 lbr,  jala nungga termasuk disi ulos passamot dohot ulos hela. Beha rajanami.

28.  Raja Parhata ni Parboru :

Mauliate di hamu parboruon nami, pos rohamu dimata ni ulaon napasahaton nami do angka pasu-pasu merhite ulos herbang songon pangidoan muna i. Asa tangkas ma goari hamu ulos na 15 i tu ise ma hasahatanna. Botima Amang boru.

29.  Raja Parhata ni Paranak :

Ditingkina lehonon nami pe daftar ni si jalo ulos herbang.

1)      Ulos Passamot

2)      Ulos Hela / Mandar Hela

3)      Pamarai

4)      Simolohon

5)      Sihunti Ampang

6)      dst………

30.  Raja Parhata ni Parboru :

Hira-hira adong dope pangidoan muna taringot tu angka ulos selain na 15 lbr i ? Atik dia adong angka ulos holong silehononmu tuangka tondongmuna, asa tong ma lehon hamu daftarna asa boi hami atur anon angka ise ma sian hami namanguloshon/pasahathon.

31.  Raja Parhata ni Paranak :

Mauliate Rajanami, adongdo angka ulos holong sipasahaton tu angka tondong na asing, hami naparadehon ulos i, alai rade ma hamu hula-hula name manguloshon/pasahathon

32.  Raja Parhata ni Parboru :

Pos ma rohamu amang boru, nasiap ma hami pasahathon/manguloshon i.

Dihamu Amangboru name, ditingki ulaon pesta unjuk I, Pangidoan nami asa tongma tangkas pasahat hamu Panandaion tu suhi ampang naopat dohot tondong nami. Beha di roha muna amang boru?

33.  Raja Parhata ni Paranak :

Horas jala gabe, alai marpangidoan hami asa pasahat hamu daftar ni sijalo panandaion, asa hubotohami patupahaon/menyiapkan. Botima.

34.  Raja Parhata ni Parboru :

Nauli Amangboru .

(Dilehon parboru ma daftar ni si jalo panandaion tu paranak.)

1)      Pamarai                                   :  …………………..

2)      Simolohon/Simandokhon        : ……………………….

3)      Sihunti Ampang/ Namboru     :  ……………………

4)      Tulang Boru muli/Hula-hula   :  ………………….

5)      Op.Suhut                                :  ………………….

6)      Op.Bao                                    :  …………………..

7)      Anggini Pamarai                     : ……………………

8)      Anggini Pamarai                     : ………………………

9)      Anggini Simolohon                 : ……………………..

10)  Amangtuana                            :

11)  Amangudna                            :

12)  Ibotona

13)  Dst………………….                         :

35.  Raja Parhata ni Parboru :

Ala nungga selesai ta hatai taringot tu ulos dan panandion, ninna rohanami asa talanjuthon ma muse panghataionta tu pelaksanaan pemberkatan dohot pesta unjuk, mungkin nunnga adong konsep muna, asa pabotohon hamu ma saonari..

36.  Raja Parhata ni Paranak :

Mauliate Tulang :

Tarsongononma  konsep nami, nahurang lobi asa tapadenggan anon.

1)      Pamasumasuon      : Hari…………….., Tgl…………………… di Gereja ……………………….

2)      Marsibuha-buhai   : Waktu dan tempat hamu hula-hula nami ma namanontuhon

3)      Bentuk ni Ulaon    : Pesta Unjuk / Taruhon Jual/Ulaon sadari

4)      Pabolak Alaman    : Paranak

5)      Tempat                  : Gedung………., Jl. …………………, ………………….

6)      Waktu                   : ………………– selesai

7)      Parjuhutna             : Namarmiak-miak/Pinahan lobu

Dihatai kedua belah pihak ma muse:

1)      Marsibuha-buhai   : dibagas ni …………….

2)      Paulak Une            : dibagas ni ……………..

3)      Tingkir tangga       : di bagas ni……….,……

Parjuhut dohot tudu-tudu ni sipanganon, ,asing-masing dipatupa do ditingki marsibuha-buhai dohot paulak une.

4)      Parsituaknatonggi/Panandaion tu natorop (Parboru) : …..100 amplop

5)      Ulos Tinonun Sadari : 100 amplop

Disepakati sadia jumlah amplop na dohot isi tiap amplop Rp. ……………

6)      Boras Pir + dekke : Sude boras pir/dekke sian hula-hula/tulang ni Parboru hasa hatanna tu Paranak,  manjalo boru/bere parboru, namambaen ulak nitandok  boru ni Parboru.

7)      Mangupa boru/hela : ditingki sibuha-buhai

8)      Mardalan do Tintin Marangkup

9)      Ditingki ulaon i, masing-masing hasuhuton manomba hula-hula dohot angka tulang

10)  Olop-olop disepakati masing-masing hasuhuton patupahon 100 lbr uang Rp. 2000,- jala dibaen indukna uang 1 lbr uang Rp. 50.000

11)  Olop-olop dipasahat tu dongan sahuta Paranak, laos dihara ma donga sahuta ni Parboru.

12)  Panjoun ni tondong           :

·         Paranak manomu hula-hula Simamora (Parboru)

·         Paranak manomunomu haroroni Hula-hula-Tulang dohot sude undangan

·         Parboru manomu-nomu haroroni angka hula-hula dohot tulang

·         Sahali panjoun ma tu sude angka hula-hula dohot tulang

V.      MANAURI/HATA SIGABE-GABE

37.  Raja Parhata ni Parboru : 

Dihita saluhutna hita namardongan tubu, boru, bere, dongan sahuta, tarlumobi ma di hamu hula-hula nami. Nunnga rap umbege hita angka aha naung dihatai angka panghobason dohot adat na hombar tu si di mata ni ulaon annon.

Jadi ala nungga sidung sude tahatai di ulaonta sadarion, ninna ro nami marhata sigabe-gabe ma hita. Boha ninna rohamuna

38.  Raja Parhata ni Paranak :

Maulitae amang raja. Ta uduti ma muse tu hta sigabe-gabe ala marningot hita di angka tingki naung bagas borngin 

39.  Raja Parhata ni Parboru :

Songon konsep nami, antar songonon ma giliran mandok hata :

Parjolo ma sian hami, jala hami pe namangatur namanghatai sian hami

Dungi taripar ma tu hamu laos  mangampuma hamu raja ni parboruon nami

40.  Raja Parhata ni Paranak :

Horas jala gabe, dos ni roha sibaen nasaut.

41.  Raja Parhata ni Parboru :

Parjolo ma mandok hata sian bere/ibebere, boru, dungi sahalak sian hita namardongan tubu, dongan sahuta, hasuhuton, terakhir ma Hula-hula nami.

(Dung sidung manghatai sian Parboru, ditariparhon ma muse panghataion tu Paranak.)

42.  Raja Parhata ni Paranak :

Parjolo pasahaton hata pangampuan, mewakili sian bere/boru, mewakili dongan tubu, terakhir hasuhuton.

Raja Parhata Paranak : Di hamu hula-hula nami dohot sude hita na pungu ditingkion, disiala las ni rohani hasuhuton bolon Paranak, pasahaton ni nasida do songon parsituak natonggi tu hamu horong ni hula-hula nami.

43.  Raja Parhata ni Parboru : 

Mauliate amangboru, tanda do hamu anak ni raja.

Molo songoni do, parjolo pasahat hamu tu hami namardongan tubu, dungi tu boru, dungi tubere, tu ibebere, tu dongan sahuta, na terakhir tu hula-hula nami Sinurat.

VI.   INGOT-INGOT

44.  Raja Parhata ni Parboru :

Andorang so ditutup dongan sahuta ulaon, asa jumolo ma dibahen tamiang panutup, dipangido rohanami sian hulahula name Sinurat ma mambahen tangiang dihita ditingki on 

45.  Raja Parhata ni Parboru :

Dung sidung tangiang panutup, dipasahat nadua hasuhuton ma uang ingot-ingot tu raja parhata ni Parboru godang na 1 bagian sian paranak 1 bagian sian parboru.

46.  Raja Dongan Sahuta: 

Manghatai dongan sahuta jala laos ditutup ma rap mandok tolu hali : ingot2-ingot2- ingot2.Horas!!!

47.  Tangiang Penutup / Panimpuli. Amen …

Mulak jala marsijalangan………………..selesai acara.